REVISTA  EDICIONS  ESPANDIS  IMAGES  PARTENARIS  LIGAMS  CONTACTES  
"Gregalas" 2/2

I a quicòm que nos alassam pas de gaitar dins las fotòs de Jaumes Privat : aquò’s aquela part d’umanitat, tan diferenta dins l’autre mas pr’aquò tan parièra a la nòstra. Aquelas gents, aquels personatges « en cèrca d’autor », immergits dins los sitis toristics los mai frequentats que ne tiran, arrencan d’images, de pròvas, semblan sols, luènhs de totes e de tot. Mas non, plan solide. De còps assetats puèi revirats, agenolhats, levats dins lor teatre d’ombras e de lums, o lors batèls trevaires, nos parlan, secretament, enregan una convèrsa de gèstes, o ressons entrepausats, descompausats. Atal, aquelas confessions silenciosas traçan, a bèles còps, dins un movement fotografic d’asagaire-asagat entre subjècte e objècte, la trajectòria de nòstra existéncia. Una trajectòria que la podèm pas definir, conéisser o localisar a l’avança, quitament amb lo GPS mai perfeccionat. Pr’amor qu’es vasta e desconeguda l’espandida de nòstra vida quand s’agís d’un prigond exili dins l’endedins. Alara desirem-los bon viatge e digam-nos a lèu, benlèu.

Olivier Lamarque 


 

Plan del siti | © revista OC | AVATAM Studio