Claudio Salvagno nasquèt a Bernezzo (Cuneo, Itàlia) en 1955 ont demòra uèi. Representa, amb d’autres, la literatura occitanofòna de las valadas alpencas italianas. Publiquèt dins diferentas revistas coma Valados Usitanos (Turin), Lou Radèu de la Meduso (Marselha), OC e un recuèlh "L’empèri de l’ombra" (2004) a las edicions JORN. Es tanben plastician. Aquela installacion "L’autra armada" foguèt realisada dins la Val Varaita en 2004 (fotòs de Sergio Beccio).