OC Revista

Felip Gardy > "Dins un cèl talhant de blau"

olivlam — 2010-08-24T08:30:02Z

Dins un cèu talhant de blau es lo darrièr recuèlh poëtic de Felip Gardy. Recuèlh « inclassable », ont lo biais del poëma « de circonstància » (coma se ditz) es de longa tresmudat per l'encaminament calcinaire qu'es lo del poëta dempuèi sas prumièras òbras, mas tanben per las quitas « circonstàncias » vengudas aicí màgers moments e màgers endrechièras. E mai preséncia màger : la dels temps, dels endreits, e dels èstres que los legeires occitans los reconeisseràn a bèl talh, non pas tals qu'en sé-meteisses l'eternitat los auriá de cambiar pecaire (« l'eternitat / es pas qu'un mot que rebala / un pauc pesugàs / dins lo valat de la vida »), mas, tot al contra, dins lor fragilitat, lor lisar, lor « passatge »... Dins un cèu talhant de blau còsta 11 euròs e se pòt comandar a Letras d'òc, 5 rue Pons Capdenier F 31500 Toulouse o en linha sus www.letrasdoc.org

Claudio Salvagno > "Tribu"

olivlam — 2010-08-21T20:29:51Z

Claudio Salvagno nasquèt a Bernezzo (Cuneo, Itàlia) en 1955 ont demòra uèi. Representa, amb d'autres, la literatura occitanofòna de las valadas alpencas italianas. Publiquèt dins diferentas revistas coma Valados Usitanos (Turin), Lou Radèu de la Meduso (Marselha), OC e un recuèlh "L'empèri de l'ombra" (2004) a las edicions JORN. Es tanben plastician. Aquela installacion "L'autra armada" foguèt realisada dins la Val Varaita en 2004 (fotòs de Sergio Beccio).

Joan-Pèire Tardiu > "Las quatre rotas"

olivlam — 2010-07-21T12:49:09Z

Tretze ans apuèi "La mar quand i es pas" es a la crosada de "Las quatre rotas" que nos espèra l'escritura secretosa de Joan-Pèire Tardiu. Dubrissèm lo libre sus un prefaci de Danièle Estèbe-Hoursiangou abans de cabussar dins la poesia borrolada e menimosa del cap redactor de la revista OC. La revirada francesa es estada alestida per Denis Montebello. De comandar (12 €) a : éditions fédérop, Le Polnt du Rôle, F-24680 Gardonne ; editions.federop@wanadoo.fr.

Jaumes Privat > "de_talhs"

olivlam — 2010-07-20T19:19:08Z

Dins una novèla publicacion aplechada "a la man", Jaumes Privat nos balha tornar mai l'escasença de seguir, al fial de las 85 paginas que clau l'obratge, son escritura talhanta e sagnosa. Aquel faisset que las lengas s'i fan carns, en version bilinga, es mandat a los que ne fan la demanda : aicimai@live.fr.

Lenga e païs d'oc n°49

olivlam — 2010-07-17T12:19:11Z

La revista Lenga e país d'òc ven de far paréisser un numerò important (n° 49, mai de 2010) consacrat a las relacions entre païs d'òc e Catalonha d'una part, e a las influéncias literàrias espanhòlas dins la creacion occitana de l'autra. Senhalarem dos articles de'n prumièr : Le calen et le Centre català de Marseille de Pere Grau e Catalougno e Prouvènço de Jan-Marc Courbet. E puèi lo remirable trabalh sintetic de Maria-Joana Verny titolat País d'òc e Espanha, una fraternitat poetica, Aquel trabalh s'apièja sus una preciosa antologia de tèxtes espanhòls e occitans que permet de mesurar « sus pèças » non solament l'influéncia dirècta de la poësia espanhòla del sègle XX sus la màger part dels grands escriveires d'òc, mas tanben lo resson màger qu'agèt la guèrra civila d'Espanha dins l'òbra dels autors occitans (Robèrt Allan, Ramon Busquet, Max Roqueta, Pèire Lagarda, Robèrt Lafont, Joan Bodon, Renat Nelli, Max Allier e mai d'autres...).Lo prètz del numerò es de 7,50 euròs + 4,50 euròs de despensas de pòrt. Abonament per 2 numeròs : 13,72 euròs, per 4 numeròs : 25 euròs. Chèque a l'òrdre de l'Agent Comptable. Adreiça : CRDP - Allée de la Citadelle, CS 29003, F 34064 Montpellier www.crdp-montpellier.fr

Joan-Ives Casanòva > "...enfra leis trèus... (Limbs)"

olivlam — 2010-07-03T20:20:31Z

Las edicions Jorn publican ...enfra leis trèus... (limbs) de Joan-Ives Casanòva amb una version francesa de l'autor. Cinquanta trènes de 10 vèrses ont l'escriure endeven la plenor pus fluida, al cap de tot e al ras de res. La votz enrebala lo legeire tre los prumièrs mots dins una endralhada a l'encòp afiscaira e descoraira, sens començança e sens fin, demièg lo neblum que capèla e duèrb a bèl talh lo poëma : « ren ren de ren lo mot s'entrauca mai pòt quasi rèn còntra ela còntra l'ombra que s'escapa de l'espandida alisada de mar aquela plana que lo jorn faguèt tan palla que lei neblas dau larg s'avança s'estrechonís e rebala dins l'èrba per fin de cavar lo temps ». Lo recuèlh se pòt comandar a Jorn 38, rue de la Dysse F-34150 Montpeyroux. Còsta 15 euròs. Lo chèque es a botar a l'òrdre de l'Associacion Jorn.

Novèl numerò

boris — 2010-06-18T20:32:48Z

SOMARI del N°95 - PRIMA DE 2010 (per paréisser)

I SON I SON PUS

Felip GARDY, Aquí son ...
Sèrgi LABATUT, Recampats un dimarç de genièr e apuèi
Paul BOWLES, Conte de l’òrt(adaptacion de Bruno Peiràs)
Felip ANGELAU, Marrana

DINTRATZ

Olivièr LAMARCA, Installacion 410
Beatriz LIBERT, Espia
Joan-Pèire TARDIU, Los ponts l’aiga dintratz
Gui MATIEU, Passan
Alan MAURY, Saba de Marbre
Danièla ESTEBE-HOURSIANGOU, Autes

GERMANOR

Joan Daniel BEZSONOFF, Faula de l’antiquari de la viuda
Eduard JORDA, Tot
Jordi Pere CERDA, El saúc

CRONICAS

Laurenç REVEST, Occitan alpin-gavuòt de Còntes : Ma vera estòria
de lai valaas dals Palhons
Joan-Frederic BRUN, La filha ròsa dins lo veiriau
Felip GARDY, a preapus de Les Félibres et leur temps. Renaissance
d'oc et opinion (1850- 1914) de Philippe Martel.

NOVÈLAS (Joan-Pèire TARDIU)

Per s'abonar a la revista

boris — 2010-06-18T20:32:46Z


Estampatz lo butletin

OC n°77 / 2005 (PDF)

olivlam — 2010-06-18T20:32:42Z


OC n°77

OC n°76 / 2005 (PDF)

olivlam — 2010-06-15T19:25:08Z


OC n°76